... THE END
Todo o bo remata. O presente curso converteuse nunha peli fantástica que quedará nas nosas cabezas e nos nosos corazóns. Agora queda un verán para disfrutar e recargar as pilas co fin de voltar en setembro e empezar de novo.
FELIZ VERÁN E ESTUPENDAS LECTURAS!!
asSircópatas circo de terra
Na véspera do fin de curso puxemos o ramo ás actividades da biblioteca con Dani de asSircópatas circo de terra.
Dani fixo de todo: malabares, contorsionismo, equilibrismo, lanzamento de coitelos, escapismo... pero sobre todo contou moi ben contado o conto do gato lambón.
Despois da fantástica actuación de Dani, fixemos entrega de varios agasallos:
- á gañadora e finalistas do concurso de marcapáxinas da Bibliosilva
- á gañadora do deseño do logo da radio escolar
MOITAS GRAZAS A RAPACES E FAMILIAS POR TODO O QUE APORTARON ÁO FUNCIONAMENTO DA NOSA BIBLIOTECA ESCOLAR!!
AS FAMILIAS CONTAN MOITO
Xema, a mamá de Uxía, Antía e Mariña puxo o ramo á actividade de "as familias contan moito". Con Xema, foron nove as familias que viñeron á biblioteca a contar moito e moi ben.
Agradecemos ás familias que ao longo de todo o curso participaron nunha actividade tan motivadora para o alumnado. Contan moito para o Celso Emilio.
MIL GRACIAS.
OBRADOIRO DE DRAMATIZACIÓN
CON ARTUR TRILLO DE TALÍA TEATRO
Recibimos na Bibliosilva a Artur Trillo, actor, director e autor teatral, fundador da compañía Talía Teatro.
Artur compartíu co alumnado de 4º e 5º de primaria un obradoiro de dramatización oral. A actividade resultou todo un éxito.
A rapazada vai collendo táboas para presentar futuros podcast de radio.
visita ao centro de día e fogar residencial de cerceda.
Todo empezou o pasado mes de febreiro con unhas cartas de amor e amizade que pensamos, escribimos, debuxamos e decoramos nas respectivas aulas e mandamos ao Fogar Residencial de Cerceda.
Quedaron tan contentos e agradecidos coas nosas cartas que nos convidaron a visitalos.
E aló fomos tres nenas e nenos por aula (vinte e sete en total) e tres mestras a un encontro interxeracional cos usuarios do Fogar.
Pasamos alí un tempo agradable e enriquecedor compartindo conversa, experiencias e xogos, fortalecendo os vínculos afectivos e a empatía.
Agasalláronnos con diplomas para compartir co resto dos compañeiros e compañeiras que quedaron no cole, dando así testemuña da actividade levada a cabo.
semana do libro na bibliosilva
23 de abril
DÍA MUNDIAL DO LIBRO
Acompañamentos lectores para celebrar por todo o alto o día mundial do libro.
