Ler un libro enriquece o noso vocabulario, axúdanos a aprender sobre cousas da vida, axúdanos a redactar tarefas, é coñecer mundos novos, é divertirse... 

BO NADAL E PRÓSPERO ANINOVO

Fonte: Blog: Libros compartidos

ITALIA

Nesta última viaxe antes de Nadal, Buluchi visitou ITALIA. Como fai sempre cando vai de viaxe, mandounos unhas bonitas fotos, e con elas as respostas ás preguntas, que son as seguintes:

2- A moeda é o euro.
3- A capital de Italia é Roma. Alí visitou o Coliseum e a Fontana di Trevi.
4- A cidade rodeada de canles é Venecia. A praza chámase Praza de San Marcos. O canal máis grande é o Gran Canal, e pódese navegar por el en góndola.
5- A cidade coa torre inclinada é Pisa (nome que tamén recibe a torre)
6- A cidade que ten unha ponte con tendas de xoieiros é Florencia. A ponte chámase Ponte Vechhio. Na Galería de Academia podese ver o "David " do famoso escultor, pintor, arquitecto e poeta Miguel Anxo.
7- Buluchi tamén estivo na Cidade do Vaticano. Visitou a Basílica de San Pedro. Dentro está soterrado o Papa Xoán Pablo II. Tamén podemos visitar dentro dela a Capela Sixtina, pintada tamén por Miguel Anxo. ´
Por último Buluchi visitou a cidade de Asís.


Ola rapaces:

Outra vez me poño en contacto con vós para ensinarvos o páis que acabo de visitar. É un país fantástico, que ten lugares preciosos e onde a xente é marabillosa.

Estiven en varias cidades deste país, e non sabería dicir cal delas me gustou máis.

Déixovos unhas pistas a ver se acertades as distintas preguntas.

Primeiro tes que adiviñar que país visitei. Para iso douche de pista a súa silueta e a súa bandeira.

    
       1-      Que país visitei?

2-      Pódesme dicir cal é a súa moeda?

3-      A primeira cidade na que estiven foi a súa capital. Cal é?

a.       Na capital visitei o monumento que tedes na imaxe .

Foi escenario de películas como Ben-Hur e Gladiator. Como se chama?

b.      Hai unha fonte espectacular! Serviu de escenario á película A Dolce Vita. Pódesme dicir o nome?

4-      A seguinte cidade que visitei está rodeada de canles por todas partes. Que cidade é?

a.       Nesta cidade hai unha praza moi importante, o corazón da cidade! Está chea de pombas! Cal é o seu nome?

b.      De todas as canles que ten a cidade, unha é a máis grande. Que nome recibe?

c.       Pódesme dicir o nome do bote tradicional desta cidade? Pincha AQUÍ e terás información. 

5-      Despois dun paseo no bote tradicional da cidade anterior, marchei para outra cidade onde hai outra famosa torre inclinada. Sabes cómo se chama esta cidade que tamén lle da nome á torre?

6-      Por último fixen outra parada nunha cidade moi fermosa. Nesta cidade hai unha ponte moi coñecida que está chea de tendas de xoieiros. É un dos símbolos máis coñecidos desta cidade.

      
        Tamén foi escenario da famosa película "A vida é bela".
        Carlo Collodi, o escritor de "Pinocho", naceu nesta cidade.
        Como se chama esta cidade?

         E a ponte?

a.       Na famosa Galería da Academia temos unha escultura moi coñecida: O David.

       Pódesme dicir que escultor famoso  a fixo?

           

7-      No Blog de Relixión tamén tedes preguntas. Se as contestades correctamente acadaredes máis puntos.

Espero que disfrutedes descubrindo este apaixoante país.
Xa vos mandarei as fotos.

Despídome ata despois de Nadal. Pasade unhas boas vacacións e á volta mandareivos outra carta dende o lugar onde pasei as festas.

Unha aperta

BULUCHI

REINO UNIDO

Esta vez o país no que estivo Buluchi foi o Reino Unido. Visitou a súa capital : Londres, e deixounos unhas fotos preciosas.

As respostas ás outras preguntas son as seguintes:

- O río é o Támesis.

- A noria chámase London Eye.

- Os buses e as cabinas son de cor vermella.

- A ponte levadiza chámase Tower Bridge.

- O nome da campá do reloxo é Big Ben.

- O famoso asasino era Jack o Destripador.

- A abadía é a de Westminster.

- O distrito onde se celebra o campeonato de tenis é Wimbledon.

- A praza onde se coloca a árbore chámase Trafalgar Square.

- Londres ten varios equipos de futbol, entre eles o Arsenal, Chelsea, Millwall, Tottemham, West Ham United.



Ola de novo:

Alegroume moito saber que estades a participar no concurso. A primeira pregunta era moi fácil!
Así que agora, para darlle máis emoción vouno facer un pouco máis difícil. Seredes capaces de adiviñar que lugar acabo de visitar?

Por iso, vouvos facer varias preguntas a ver cántas sodes capaces de contestar. Algunhas son máis difíciles que outras, pero non vos preocupedes, estou seguro de que o conseguiredes.

1- Estiven no país no que vive Lamorna. Como se chama?
2- Tiña ganas de visitar todo o país, pero como non teño moito tempo, so puiden estar na súa capital. Cal é?
3- A súa capital está construída á marxe dun río moi coñecido. Que río é este?
4- Na cidade hai unha sorprendente noria de 135 metros de altura. Sabes cal é o seu nome?
5- Sabes cal é a cor dos buses e das cabinas de teléfono desta cidade? ( pincha AQUÍ e terás a resposta).
6- Nesta cidade hai un distrito onde se celebra un campeonato de tenis moi coñecido. Cal é o seu nome? ( pincha AQUÍ e terás a información que precisas).
7- Poderías decir o nome da campá dun famoso reloxo que hai nesta cidade?
8- Investiga e dime o nome dun famoso asasino que cometeu varios crímenes nesta cidade.
9- Coñeces algún equipo de futbol desta cidade. Dime dous nomes.
10- No Blog de relixión tes outra pregunta. Se escribes a resposta terás outro punto.
11- Pódesme dicir o nome desta ponte levadiza.

Espero ter pronto as vosas respostas e que vos divirtades investigando.

Lembrade que vos mandarei fotos desta cidade tan fermosa.

Ah, casi me esquezo! Na parte de arriba deste Blog tedes unha pestana na que podedes consultar as puntuacións que ides acadando no concurso.

Eu sigo coa miña viaxe. Un saúdo e ata pronto.

                                                                   BULUCHI



Este día está adicado á fraternidade e a comprensión entre os nenos e nenas do mundo enteiro.

O neno debe disfrutar de todos os dereitos sen importar o seu sexo, a súa nacionalidade, raza, relixión, idioma...

Queres saber algo máis sobre outros nenos do mundo e o lugar onde viven? Na biblioteca poderás atopar este interesante libro.

MOCHILAS VIAXEIRAS

Un ano máis poñemos en marcha a MOCHILA VIAXEIRA. O material da mochila non é só para o neno que a leva, senón que é para compartir con todos os membros da familia (pais, irmáns, avós…).

As directrices para traballar coas mochilas son as seguintes:

-          Non fai falta ler todo, pero si valorar o seu contido para ver as cousas interesantes que hai na biblioteca do cole e que poden levarse a casa.

-          Tedes 10 días para ver o contido da maleta (levádela un venres e devolvédela un luns)

-          Coidade ben o que levades nela, é algo de todos e ten que servir para que o vexan os vosos compañeiros.

-          Inclúese un diario onde podedes anotar as vosas impresións sobre os contidos da mochila, facer un debuxo ou calquera outra cousa que se vos ocurra: inventar un conto para que outros o lean, escribir lendas populares, cantigas,adiviñas, …  e que queirades compartir cos demais.

 Se tedes algunha dúbida, xa sabedes que podedes consultala sen problema.

 

GRAZAS POLA ACOLLIDA NAS VOSAS CASAS E BOA VIAXE.

CONTIDO DAS MOCHILAS

FRANCIA

A primeira pregunta que nos fixo Buluchi era moi fácil. O país era Francia.

No mural da entrada temos algunhas fotos que nos deixou da súa visita.

Xa estamos desexando recibir a seguinte carta e saber en qué parte do mundo está agora!



Ola a todos!

 Por fin cheguei ó meu destino!

Saín da Silva coa miña bicicleta pensando que ía ser menos camiño, pero a verdade é que está algo lonxe. Por iso tardei tanto en mandarvos esta primeira carta. Para a próxima vez utilizarei outro medio de transporte!

Quero amosarvos todo o que vin, pero primeiro tedes que adiviñar onde estou. Déixovos unas pistas:

-         Atravesei os Pirineos

-         Visitei un parque temático moi famoso

-         Subín a unha torre moi alta situada no Campo de Marte

-         Ten unas fermosas praias

-         Visitei o Castelo de Loira

-         Vin unha catedral na que se ambientou un conto moi coñecido dun chepudo

-         Falan francés

EN QUE PAÍS ESTOU?

ANIMÁDEVOS a descubrir este país tan bonito que visitei. Despois ensinareivos as fotos.

Buluchi

P.D.: Por certo, ENCANTOUME  a decoración do cole!!!

BULUCHI POLO MUNDO

 Como ben nos adiantou Buluchi na súa carta, o proxecto de Biblioteca deste ano é "Unha viaxe polo mundo". Ó longo do curso iremos coñecendo algúns  aspectos relacionados con lugares interesantes de todo o mundo ( tradicións, contos populares, monumentos importantes...). Realizaremos distintas actividades das que vos manteremos informados.

A primeira, foi decorar as portas con motivos de distintos continentes. Tamén decoramos a biblioteca cos distintos medios de transporte que pode utilizar Buluchi para as súas viaxes.

Na entrada do cole colocamos un mapa mundi onde iremos sinalando os distintos lugares polos que vaia viaxando Buluchi. Para iso estamos á espera da súa próxima carta, na que nos informe cal é o primeiro lugar que visitou.

Mentres, deixámoslle as fotos da nosa decoración. A ver se lle gusta!







QUE LIBRO PODO LER HOXE?

Queres saber cales foron os libros máis prestados o curso pasado? Aquí tes unha lista.

1. A vaca que puxo un ovo.
2. Veo, veo ¿A quién ves?
3. Dora la exploradora. Mis amigos.
4. Océano.
5. Cuentos de Navidad.
6. La ratita presumida /Los novios de la ratita presumida.
7. Max y Matilda peatones.
8. Wendy, la ranita bocazas.
9. Os tres porquiños.
10. Un libro.

En Exipto chamábaselle ás bibliotecas " O Tesouro dos remedios da alma". En efecto, curábase nelas a ignorancia, a máis perigosa das enfermidades e a orixe de todas as demáis.

Jacques Bénigne Bossuet

COMEZA A AVENTURA!

Hola amigos:

Este verano, cando marchastes de vacacións e quedei so, collín un dos marabillosos libros que temos na Biblioteca. Era un libro que amosaba cousas interesantes de distintos países. Dinme conta de que non coñecía ningún lugar máis que a Biblioteca do noso cole. Nese momento pensei que tiña que viaxar.

Como non sabía a onde podía ir, seguín buscando noutros  libros  e , despois de ler moito e  ver moitas fotos, decidín que tiña que percorrer os distintos continentes, xa que en cada un deles hai lugares fantásticos e interesantes.

Así que, queridos raparigos, VOUME DE VIAXE!

Segundo vaia chegando aos distintos lugares, mandareivos información deles, para que vós tamén coñezades os sitios tan bonitos que existen no mundo.

Antes de marchar quero pedirvos un favor: adornade un ano máis as portas do cole con motivos dos distintos continentes, así saberedes mellor por onde me atopo. E non vos olvidedes da Biblioteca: imaxinade cantos medios de transporte podo utilizar!

Eu poreime en contacto con vós a través do Blog.

                         Unha aperta

                                                                       Buluchi

 

 

Proximamente comezaremos coas nosas actividades

17 DE MAIO- DÍA DAS LETRAS GALEGAS

ONDE ESTAMOS?

Se queredes vir visitar a nosa biblioteca, non tedes máis que buscarnos neste mapa e chegaredes facilmente. Estamos agardando por vós!

Tamén atoparedes sinalados neste mapa, outros lugares interesantes de Galicia. Animádevos a exploralos!

Ver CASTELO DE PAMBRE en un mapa más grande

GRAN FIN DE FESTA!

APRENDER COA LECTURA

FONTES: Vídeos Youtube

Esta semana estámola adicando á celebración do Día do libro. Onte recibimos un agasallo de parte do Concello de Cerceda. Gustáronnos moitísimo os libros que nos regalaron!

Para continuar coa festa, hoxe expuxemos os contos da Carapuchiña e Mortadelo na praia, e entregamos un agasallo ós gañadores. Pero como todos o fixeron moi ben, non só houbo premio para os elexidos xa que todos recibiron unha lambetada. Gracias  polo voso esforzo!

23 DE ABRIL- DÍA DO LIBRO

FONTES: Imaxes e videos Google

Unha das tarefas que plantexamos ós nosos alumnos para a celebración do día do libro, é a invención dun conto. Neste caso, os personaxes e mais o espacio xa llo demos nós: Carapuchiña e Mortadelo nunha praia. Eles terán que facer o resto.
Deixámoslles unha axuda para escribir este e outros contos





Tamén deixamos unha actividade moi divertida que lles axudará  a escribir contos fabulosos

 "TALLER DE LECTURA"

FONTES: Imaxes  Google; www.educa.jcyl.es

O  23 de abril celebraremos  o “Día do Libro”. Estamos preparando varios traballos que vos iremos amosando segundo se vaia achegando o día.

Pero…Por que se elexiu  o 23 de abril?

A orixe do Día do Libro procede da coincidencia do falecemento de escritores como Cervantes e Shakespeare. Tamén o 23 de abril naceron (ou morreron) outros escritores eminentes como Maurice Druon, K.Laxness, Vladimir Nabokov, Josep Pla ou Manuel Mejía Vallejo. Por este motivo, esta fecha foi escollida pola UNESCO para rendir unha homenaxe ó libro e ós seus autores, animando así á xente, especialmente ós máis novos, a descubrir o pracer pola lectura.

Nos tamén vos animamos a que pasedes pola biblioteca do cole e atopedes nos seus libros historias interesantes, coas que seguramente ides disfrutar moito.

Fontes: Wikipedia/ Imaxes Google

XOGANDO COAS PALABRAS

Na clase de 4º, estamos comezando a dar os nosos primeiros pasos na poesía.

Fixemos unha "visita ó mercado" e, co que compramos, elaboramos o noso primeiro poemiña.

Autores: Alumnos de 4º
Fontes: Imaxes de Google

A NOSA BIBLIOTECA

A principios deste curso reinauguramos a nosa biblioteca. Fixemos debuxos con personaxes de contos que colgamos no teito e nas paredes, pintámola dunha cor moi alegre, puxemos normas novas redactadas en forma de poema e realizamos un contacontos, no que participaron un alumno de 6º, o noso profesor de Educación Física e o profesor de música, que tocaba a gaita.

Paralelamente a esta inauguración, adornamos as portas das aulas con personaxes de contos.

Agora disfrutamos moito da biblioteca, na que podemos ler libros alucinantes e ver películas chulísimas.

Autores: Soraya, Tatiana, Martín, Marco, Thaïs e Brais- Alumnos de 4º

PARA SER PROFESORA HOXE

                                     Ingredientes

                                                                           - 2 Kg de paciencia

                                                                           - 1000 toneladas de xogo

                - 4000 kg de intelixencia

                - 3 kg de diversión

                - Un chisco de azucre moreno

                -Un chisco de coñecementos de cociña

                - 1 tonelada de aventura

               - Papel de aluminio

Para o adorno

 12 Kg de patacas humorosas

 6 alumnos listos

Salsa tranquilizante

1000 toneladas de cariño



  

Preparación

Envolvemos á profe en papel de aluminio e poñémola a ferver nunha pota con todos os ingredientes. Despois dunha hora teremos: unha profesora intelixente que nos ensinará moitas cousas. Terá moita paciencia, será moi divertida, faranos tartas polos nosos aniversarios e levaranos a moitas excursións.

Se queda moi picante e se enfada un pouco, botámoslle azucre para adozala.

Adornámola coas patacas de humor e 6 alumnos listos remollados en salsa tranquilizante. Bañamos todo con toneladas de cariño.

Variantes

 - http://educaresdesarrollo.blogspot.com.es/2009/06/receta-para-el-desempeno-de-un-buen.html

- http://periodicoedukt.blogspot.com.es/2010/02/recetas-para-ser-un-buen-maestro.html

FONTES UTILIZADAS:

   - Autores da receita: Brais, Thaïs, Tatiana, Soraya, Marco e Martín- Alumnos de 4º

   - Blogs: Educar es desarrollo- Periódico Edkt