LECTURAS APADRIÑADAS-II

NOVO ÉXITO DAS LECTURAS APADRIÑADAS! Onte celebramos a segunda sesión , e novamente os nosos rapaces disfrutaron moito. Agora os maiores xa teñen máis experiencia e saben mellor cómo transmitir o conto ós máis pequenos. Unha vez máis foi magnífico. Noraboa!

   

  

SEMANA DA PRENSA

Ó longo desta semana estivemos celebrando a semana da prensa. Os nosos rapaces convertíronse en xornalistas. Cada un elexiu o tipo de noticia que quería escribir, algunhas reais e outras inventadas, e puxemos un taboleiro coas novas escritas. Están feitos uns grandes escritores!

TERMÓMETRO LECTOR

ESTO MARCHA!

Xa levamos 51.000 páxinas. Aínda temos ata o 23 de abril para conseguilo, data que coincide co día do libro.  Ademáis xa temos a festa elexida. Das vosas votacións saiu que o premio sería unha festa de disfraces- karaoke-baile-lambetadas. 

Ánimo a todos, xa nos queda pouco! 

LECTURAS APADRIÑADAS

Hoxe celebramos a nosa primeira xornada de " Lecturas apadriñadas". Cada neno/a do 2º e 3º Ciclos foi o "padriño"ou "madriña" dun neno/a de Infantil ou 1º Ciclo. Elexiron un conto e contáronllo ó seu "afillado/a" . Para iso elexiron un lugar dentro do cole para lerlle o conto, comprobando así que calquer sitio é bo para disfrutar dunha boa lectura: o corredor, a biblioteca, o ximnasio, a aula de música...
Esta nova experiencia, coa que pretendíamos achegar ós rapaces á lectura, foi todo un éxito. Tanto os "padriños" como os "afillados" disfrutaron moito, así que esperamos repetir pronto.

DÍA DA PAZ

Hoxe tivemos a nosa celebración do día da Paz. Ó longo desta semana, os nosos alumnos esforzáronse moito escribindo contos e facendo debuxos sobre temas relacionados coa paz: amizade, non discriminación... Hoxe entregamos os premios ós mellores , aínda que hai que dicir que foi unha decisión difícil, xa que todos estaban moi ben.

Relacionando a Paz coa temática da biblioteca deste ano, os oficios, aproveitamos para facer unha fotomontaxe na que destacamos que todos os profesionais son iguais de necesarios, que non hai un traballo máis importante que outro.

Aquí vos quedan unhas fotos.

BO NADAL E FELIZ 2014

Non te olvides de ler!

TERMÓMETRO LECTOR

 

DECORACIÓN DAS PORTAS E DA BIBLIOTECA

Xa temos a decoración das nosas portas e da biblioteca rematada. Cada clase referiuse á profesión ou profesión que lles tocou:

Infantil: Cociñeiros
1º Curso: Chapuzas e manitas
2º Curso: Sanidade
3º Curso: Artistas
4º Curso: Gandería e agricultura
5º Curso: Artesáns
6º Curso: Comercio

DÍA UNIVERSAL DOS DEREITOS DO NENO

Hoxe conmemórase o Día Universal dos Dereitos do neno.  A Asamblea das Nacións Unidas recomendou que se establecera una data  común para tódolos países, aínda que despois cada goberno puidera fixar unha data para a súa celebración, por iso cada país o celebra nunha data e nun xeito distinto. Así, España fixou esta data no 15 de abril. Como data común fixouse o día de hoxe: 20 de novembro.

Destínase este día para promover actividades destinadas ó benestar e ós dereitos do neno no mundo.

Tedes aquí un vídeo onde podedes ver os dereitos do neno.

                                         Carla  Ramilo- 2º Curso de Educación Primaria