MERCADIÑO SOLIDARIO

Coincidindo coa celebración do Día do Libro, abrimos o mercadiño solidario. Está sendo todo un éxito !
Non tardes moito , que se acaban !!!!

FELIZ DÍA DO LIBRO !

Un máis celebramos o Día do Libro. E que mellor forma de facelo que gozando dunha boa lectura e, se ademais a fan os compañeiros mellor  que mellor!
Pincha na imaxe e poderás ver as fotos las Lecturas Apadriñadas de hoxe.

Ademais dende o Concello fixéronnos entrega dun fermoso libro que leremos con moito cariño. Moitas grazas!

A FAMILIA DE LARA CONTA ...

O avó de Lara ten abellas. Por iso o conto que nos relatou, xunto coa súa mamá e o seu irmán Pedro, trataba dun oso que quería ser abella: " El abejoso".
Ademais ensináronnos un bote de mel e regaláronnos un globo para que puideramos facer unha abella coma a de Pedro.
Moitas grazas aos tres!

QUE PASARÍA SE . . . ?

Coñecedes a técnica de Gianni Rodari denominada "Que pasaría se...?", un personaxe determinado se colara no noso conto.

Pois a proposta de Silviña desta vez é elaborar un Libro Viaxeiro  a partir desta pregunta.

Para iso fixo pasar polas aulas unha bolsa máxica con distintas personaxes. Cada aula elexiu un ao azar, e a partir desa personaxe elaborarán un pequeno relato co seu conto do Proxecto de Biblioteca.

Nesta imaxe tedes un exemplo.

Os alumnos de 1º curso sacaron unha personaxe e tocoulles... O home-lobo. Agora terán que facer un pequeno relato imaxinando qué pasaría se un home-lobo se cola no conto do Libro da Selva.
Estamos desexando ver o que acontece con cada conto!

A FAMILIA DE BRAIS E NEREA CONTA...

Nesta ocasión foron Brais e Nerea os que lle axudaron á súa mamá Silvia a contar esta fantástica historia: TÍMIDA!
Non só nos regalaron o seu tempo, senón que tamén nos trouxeron un lapis con goma.
MOITÍSIMAS GRAZAS AOS TRES!

MES DO LIBRO

Non ben remata o mes e Silviña xa nos fixo outra proposta. Ten unhas ideas fantásticas!

O mes de abril estará adicado, como non, ao libro, xa que o día 23 é o Día do Libro.
 Por iso Silviña propúxonos celebrar unha actividade que terá como nome "MERCADILLO SOLIDARIO LIBRO-KILO-LITRO"

Para poder levar a cabo este mercadillo precisamos que os alumnos e demais persoal do centro, así coma os pais que o desexen, donen un o varios libros que xa non van volver a ler e que estén en bo estado. Teredes ata o día 11 de abril para traelos ao colexio. Faremos unha exposición con eles para que todos os poidan ver.

Despois de Semana Santa, montaremos o mercadillo cos libros recompilados. Poderedes mercar o  que máis vos guste. Pero... non precisades cartos! Para poder mercar un libro tedes que traer un kilo-litro dun alimento non perecedoriro. Podedes mercar tantos libros como queirades! Os alimentos recollidos serán doados a Cáritas Ordes.

Animádevos a participar nesta fantástica campaña!

CHEGOU A PRIMAVERA!

Remata o mes de marzo, o mes da poesía, e coa chegada da primavera, a nosa árbore encheuse de fermosas follas e flores con fantásticas poesías inventadas polos nenos e nenas.

VIVA A POESÍA!

O pasado día 14 de marzo recibimos nova carta de Silviña, con motivo da celebración do mes da poesía.

Os nosos alumnos xa están a preparar a decoración da ÁRBORE DE POESÍA, e algún xa se atreveu a SUSURRAR poemas aos seus compañeiros.

Animádevos a formar parte dos SUSURRADORES.

A FAMILIA DE DANIELA E MARTÍN CONTA...

"El día que se comieron a Luís" Fantástico conto e un momento super entretido que pasamos coa mamá de Daniela e Martín. Moitas grazas por facernos disfrutar cunha magnífica lectura.

MES DA POESÍA

Comezamos o mes de marzo cunha nova exposición. Esta vez adicada á poesía.